Shillong,Nailur 26:Ki dkhot jong ka Meghalaya Editor’s and Publisher’s Association .(MEPA) kila leit ban iakynduh ia u Mynrti ka sorkar pdeng ba dei peit iaka tnad pathai khubor , U Manish Tiwari ha kane ka sngi balang bad kila ai ka jingiaroh ia u namar ba ula ai karai bad jingkyrshan kaba pura iakine ki nongthoh bad nong pynmih khubor ka jylla Meghalaya.
U president ka MEPA u bah R M Shabong haka juh ka por uba dei ruh U Editor bad Publisher jong u Rupang, u la wallam ruh ia ka jingpyntip ba ka don ka jingiapher ia ka jingsam ia ki jingpynbna da ka sorkar, ha kaba bun ki kotkhubor jong ka jylla ki pher na ki khubor jong ka ri. Katkum ka jingsngew jong u.
U la ong ruh ba bun na kine ki kotkhubor jylla ki don ia ki office kiba rit khlem kano kano ka jingiarap ia ki, bad iaki kotkhubor jylla ki kiar bad ki pdiang tang ki advertisement ki barit barit. Kane ka la long ka jingkit kaba khia ia ki kot khubor ka jylla la long kumba ki kot khubor kiba pynmih na ki nongbah kim ngat ha kane ka juh ka jingeh.
Halor kane u Myntri u la pynthikna ban pynmih ka rai kaba biang ha ka jylla bad ruh ban phah ia ka hukum sha ka DAVP ban pyntip ia ka jingdonkam jong ki ki la pathai khubor hapoh ka jylla
U la pynthikna shuh shuh ban ai ia kane ka hukum yn sa phah jingtip sha u myntri rangbah ka jylla ban pyntreikam noh ia kane ka Single Window Agency ban phah bad ban mynjur ia ki jingpynbna lyngba ka DAVP.
U la ai khublei ia ki nongtrei khubor, bad u la pynpaw ka jingsngewtynnad ia ka jingpyniar jong ka Central Health Insurance Scheme (CHIS) ban ithuh ia ki nongtrei khubor kiba la iarap ia ka jylla Meghalaya.
Nalor kata ula pynthikna ba ki nongtrei khubor ki dei ban don noh ia ki ticket rel ne liengsuin ha Shillong, ym ban da leit sha Maligaon kaba don Assam na ka bynta kino kino ki kam.
Ki dkhot jong ka ki MEPA ki long editor jong u Shillong Times patricia Mukhim Editor jong ka Meghalaya Time , Thomas Tomlin ,Join Editor jong ka Meghalaya Times Deepak Singh, Editor jong u Peitngor, S.S Syiem Editor jong ka Garo Daily Da alani kobor , Digros D Shira , editor SP News Agency , Starfing Pdah kasiej bad Editor jong Vernacular weekly Kyrsiew, Anthony N Nongbri.(SP News)
