Shillong, Jymmang 03: Ka tand Arts and Culture jong ka sorkar Meghalaya mynta ka sngi ka la pynlong ia ka jingiamir jingmud hapdeng ki khraw pyrkhat jong kane ka dong shatei lam mih ngi jong ka Ri India ban ia kren kumno ban leh ban weng ia ka jingngeit biej na ki paid riewlum kane ka thain shatei lam mih ngi jong ka Ri India.
Haka jingkren jong ka kong Sweetimon Rynjah kawei na ki nongthoh kot ba paw ka la ong ba ka jingngeit biej ha ki paid riewlum kane ka dong shatei lam mih ngi jong ka Ri India ka la ngam tynrai ha ki briew ban weng ia kane ka jingngeit ka long kaba eh shibun, hynrei ki jingjia pat ki wanrah ia ka jingsngewkhia kaba khraw. Ia kane ka jingngeit biej la dei ban leh ei ei ban pynduh pyndam ia ka.
Kumba ka long mynta man ka por ka juh mih ka jingkynnoh bad ki khubor kaba wanrah ia ka jingtharai sniew ha ki briew, kane ka jingngeit biej ka wanrah ia shibun ki jingsniew kumba la jia ha kine ki sngi bad ki snem kiba la dep, kum ha Laitkyrhong, Mawlai, Mawbsein, Sohra, Joiram, Wahlyngkhat, Lampluh and the recent incident at Mawsynram.
Kane ka jingngeit biej ka wanrah ia ka jingpynjot pynpra bad ka ktah ruh ia ka jingim briew, kumba ka long mynta kam don kano kano ka dustur ban hikai ban pynjot pynpra ia ka iing ka sem jong ki briew.
Naka liang jong u Pro Vice Chancellor ka NEHU u la ban jur ba dei ban wanrah ia ka jingai jinghikai ha ki briew ban sngewthuh ha kaba ia dei bad kum kine ki jingngeit, kumka jingsdang to “ ngin ia wad katkum ka jingstad kane ka juk kaba mynta”.
Na ka liang jong ka kong Prof Streamlet Dkhar ka ong ba ha man ki jingjia kiba kum kine ha kaba ki paidbah ki pynpaw ia ka jingbitar na ka jingngeit biej bad kane ka jingngeit ka pynkylla long kum ka jingshisha.
Ha ka jingialang kaba ar sngi jong ki khraw pyrkhat baroh kiba la ia poi sha kane ka jingiamir jingmud ki la poi kumba 15 ngut na kylleng jong kane ka dong shatei lam mih ngi jong ka Ri India, nalor jong ki la don ruh ki nonghikai bad ki khynnah skul kiba wan bania shim bynta.(SP News)
