Shillong, Jymmang 01: Ka jinghikai ba kyrpang na ka bynta ki MLA jong ka jylla Meghalaya ha Parliament kaba la sdang ha ka 29 tarik mynta u bnai ka la kut mynta ka sngi.
Baroh ki MLA kiba la shah jied ban leit sha kane ka jinghikai kaba kyrpang kaba la khot da ka Parliament ki la kot sha ka 40 ngut ki MLA bad kiba bun ki dei kiba dang jop thymmai ha kane ka election kaba dang shudep.
Kane ka jinghikai ka long ba kumno ki MLA kin sngewthuh kham bha ia ka rukom pyniaid ia ka iing dorbar bad ka rukom ia kren hapoh ka iing dorbar. Ha dien ba la kut kane ka jinghikai na ka liang jong u President jong ka Ri India u Pranap Mukherjee u la ia shim bynta ha ka jingiashon dur lang.(SP News)
