Shillong, Risaw 29: Ka jingialang kaba ar jong ki jaidbynriew riewlum ka jylla Tamil Nadu ka la long ha ka 26 tarik October 2012 hapoh Planning Commission Conference Hall, Chennai.Ia kane ka jingialang la pynbeit da ka tnad Ari Dravida and Tribal Welfare Dept, jylla Tamil Nadu, bad ha kaba la pyniaid ia ka jingialang da u F Kharshiing, Co-Chairman, Meghalaya Industrial Development Corporation Ltd, Govt of Meghalaya & Chairman, Grand Council of Chiefs of Meghalaya.
Ha ka jingkren u Chairman, Grand Council of Chiefs of Meghalaya, u la ai khublei ia ka Sorkar Tamil Naduh, khamtam ia ki officer jong ka tnad Tribal Welfare Dept, kiba la pynbeit, pynbit ia ka jingialang.U la pyntip ba ha ka jingiakynduh bad u Hon’ble Shri. V Kishore Chandra Deo, MP, Union Minister of Tribal Affairs, Govt of India, on Sept 25, 2012, u Union Minister u la kren skhem ba ka tnad jong u ka Ministry of Tribal Affairs, ki la sngewdei ban tyrwa sha ka Sokar India ba kan thung noh da ka Commission kat kum ki kyndon Article 339 ban tuklar ia ka jingeh ki jaidbynriew riewlum ha kaba ia dei bad ka synshar khaddar man ka shiphew snem naduh ba kha ka Constitution, bad u la kren skhem ba shen ka Sorkar India kan sa shim ia kane ka rai.
Ka jingialang ka la rai ban kyntu jur ia ka Sorkar India ban thung ia katei ka Commission under katkum ki kyndon Article 339 ka ba long kaba donkam ban khmih bniah ia ki jinglong jong ki jaidbynriewlum hapoh Ri India.Ha ka juh ka por kane ka jingialang, ka la rai ban ai bor ha u Bah John F Kharshiing, ban thaw bad thung ia ka kynhun kaba shipor ia kaban jer kyrteng National Tribal Council of India, kaban ai lad ia baroh ki jaidbynriew riewlum jong ka Ri India ban ia don bynta.
Ka jingialang ka la ia kren ruh halor ki jing bthah bad jingia jingmut na ka National Commission for Schedule Tribes (NCST) sha ka Sorkar Jylla Tamil Nadu ha u July 9, 2012 ha kaba la ai jingmut sha ka Sorkar Jylla Tamil Nadu, ban thung ia ka Schedule Tribes Commission kaban bishar bniah halor ki jingeh jong ki jaindbynriew ST hapoh Tamil Nadu.
Hadien ka jingiatai kaba lai kynta, ki rangbah nongialam jaidbynriew riewlum Jylla Tamil Nadu ki la jied ia ki nongkitkam Ka la ai kyrteng ia kane ka kynhun ka ‘Tamil Nadu Tribal Council (TNTC) bad ka office ia mynta kan long ha ka jaka sah jong u Chairman thymmai ha Coimbatore,La jied laiphew lai (33) ngut ki dkhot sha ka Executive Council kaba kynthup ia khadlai ngut ki nongkitkam kiban mih khmat na ka bynta 36 laiphew hynriew tylli ki jaidbynriew riewlum ka jylla Tamil Nadu Tribal Council kiba kynthup ia kine harim:
Thiru KA Gunasekaran, kum u Chairman, Thiru. L Shanmugam , Thiru. V Murugesan, Thiru. Sundaram, kum ki Vice –Chairman; Thiru. P Mani, Secretary (Thiru B Pushpakumar, kum u Treasurer, Thiru. K Munusamy, Tmt. K Susuliammal, Thiru. S. Thangasamy,Thiru. V Natarajan , kum ki Joint Secretaries; bad Thiru. John F Kharshiing, Chairman, Grand Council of Chiefs of Meghalaya, Thiru. Alwas Nawa (, Thiru. K.V. Giridhar, IFS, Director, Tribal Welfare Dept. GoTN, kum ki Chief Advisers; bad kiwei kiban long kum ki dkhot jong ka Executive Council kaba lai phew lai ngut.
Ha dien jong kane ka jingialang la leit ban ai ia ka dorkhas sha ka Chief Minister, u Minister Tribal Welfare Dept., u Chief Secretary, Tamil Nadu Government ban pynsngew ia ki jingeh jong ki schedule tribes hapoh Tamil Nadu kaban kynthup ruh ia ka jingkyrpad ban thung ia ka Tamil Nadu Schedule Tribes Commission da ka Sorkar Jylla kumba la bthah bad ai jingmut da ka NCST.La ai bor ia ka Tamil Nadu Tribal Council, Executive Council ban pynrung ia kino kino ki dkhot haba sngew donkam.
