Tura, Nailar 17: Mynta ka sngi ha ka por 6.45 baje mynstep katba ki pulit ki dang iaid ha ka thain Bomora Adinggre kaba jngai kumba 9 km na ka sor Williamnagar ki leh noh GNLA ki la ther kuli ia ki pulit bad ki pulit ki la pynphai kylla.
Ka jingiasiat mar kylliang kala long kaba jur bha, hynrei na ka liang jong ki lehnoh ki la ioh lad ban phet bak sha ki khlaw ba reben kiba don ha katei ka jaka bad ki pulit ki dang pynlong ka jingkhynra ha katei ka thain.
Na ka liang jong ki pulit ki la subajur ba dei kine ki juhki kynhun kiba la pynbethei bom ia ka kali jong ki pulit ha Nongkra dang ha kine ki khyndait sngi kiba la dep. La subajur ba u Area Commander jogn kane ka kynhun u Jimmy u don lang ha kane ka jingiather kili.
Ha kane ka jingiasait kamshym don kano kano ka jingiamynsaw na baroh ar liang. Naka liang jong ki pulit ki dang pynlong ia ka jingkhynra ha katei ka jaka ban thwet ia ki lehnoh jong ka kynhun GNLA.(SP News)
