Shillong, Jymmang 24: Ha ka 23 tarik mynta u bnai ka GVK EMRI ka la ia soi ia ka soskular bad ka sorkar Rajasthan ha Jaipur ban pyniaid ia ka Ambulance 108 na ka bynta ki paidbah jong katei ka jylla.
Ha kane ka sngi ba ia soi ia ka soskular la pyniaid phra tylli ki ambulance 108, na ka liang jong ka GVK EMRI la soi da u Chief Executive Officer, u Deepak Upreti, katba naka liangjong ka sorkar Rajeshthan la soi da u Principal Secretary jong ka tnad ka koit ka khiah u Aimaduddin Ahmad Khan.
Ha kane ka jingiasoi soskular naka liang jong u myntri ka tnad ka koit ka khiah la ong ba ha ka sien sdang kaba nyngkong ynpyndiaid haduh 464 tylli ki ambulance ha ka jylla baroh kawei. Kine ki kali kai ain ka jingshakri ia palat ki 7 klur ngut ki paidbah ha ki nongkyndong ha katei ka jylla.
Na ka liang jong u Deepak Upreti u la ai khublei ia ka company GVK EMRI ba ka la jied ia ka jylla Rajeshthan ban pyniaid ia kine ki lai 108. Da ka jingdon jong kine ki kali kan iarap ia ki paidbah ha katei ka jylla u la ong. Namar ka thong jong ka sorkar ka long ban iarap ia ki paidbah.
U CEO jong ka GVK EMRI u Subodh Satyawadi, u la ai khublei ia ka jylla Rajeshthan kaba la shah ia kane ka company ba kan ai ka jingshahkri ia ki paidbah ha katei ka jylla.(SP News)
