Shillong Naiwieng 28: Ki nongialam jong ki Sengbhalang Mawlai Circle kiba kynthup ia ka K.S.U , F.K.J.G.P , H.N.Y.F bad KWAADA kat kum ka meeting ba dang dep long shen ha krem Tirot ki la rai ban kyrshan tylli mlon kawei da kaba leit iashim bynta ha ka Public Meeting kaba la khot da ki 14 tylli ki Sengbhalang kaban sa long ha Madan Student Jaiaw ha ka 30/Nov/2013.
Kitei ki saw seng na mawlai ka kyntu ruh ia ki paradoh parasnam jong ka shnong Mawlai naduh ki Samla Pule , Longkmie , Longkpa, haduh ki seng bapher bapher kiba don ha Mawlai ba kin ia kynduh bad ia mih ryntih lang na Madan Heh Stadium ha ka por 11 baje mynstep ban ialeit sha Madan Student Jaiaw hapoh kawei ka lama “Jaidbynriew Hynniewtrep” ban ialeit shim bynta ha katei ka Public Meeting.
Na ka liang jong ki saw seng na Mawlai kim lah ruh khlem da pynrem jur ia ka jing jaw ummat arsap (Crocodile Tears) jong u Chief Minister ha ka por ba u dang plie ia ka International Seminar on Cultural Heritage and Peace Education (UNESCO) ha convention centre Shillong.
Kitei ki saw seng ki la kynthoh kylla da kaba ong ba ha ka jingshisha u la dei ban jaw ummat na ka bynta ka jingshah thombor bad shah nion bein ki jaidbynriew Hynniewtrep ha Langpih, Block – I, Block – II, Lapalang bad Umsawli lane ka jingwan rung beain ki Mynder (Influx) ha ka jylla ka jong ngi hynrei phewse u la leit ban jaw ummat ha katei ka program kaba long kum ki buit sainti ban nang ioh jingkyrshan na ki M.L.A Congress kiba la sdang ban pynkhih ia ka shuki C.M ka jong u.
Ki saw seng ruh ki khlem lah da pyrto ia ki samla ba shemphang bad ba shynrang jong ka jaitbynriew kiba la pynpaw ia la ka jong ka jingsngew ha kaba iadei bad ka consultation meet kaba la khot da ka Sorkar ia ki samla pule hapoh ka jingialam u Bah Prestone Tynsong na ka bynta ban iatai ha kaba iadei bad ka Meghalaya Regulation of Landlord and Verification of Tenancy Bill , ha kaba kut kitei ki dkhot jong ka Ministerial Committee kim lah ban ai ia ka jubab kaba la kylli da kitei ki samla, bad kaba sngewsarong ia ka jaidbynriew ka long ba wat ki samla ruh ki sngewthuh shai da kaba kila pyrshah ia katei ka Tenancy Bill bad ki la dawa ban pyntreikam beit da ka ILP kaba long ka atiar kaba donbor ban iakhun pyrshah ia ka Influx bad ynda ki khynnah pule ki la pynpaw ka jingpyrshah ka ba sngewthamula ka long ba ka Sorkar kala phah pat sa ban kem ia ki khynnah pule halor ka jingpyshah jong ki ia katei ka Bill.
Kyntang iawai ki saw seng ki la kyntu ia ki nong shong snhong baroh jong ka Mawlai naduh ki khynnah, Samla, Rangbah, Longkmie bad Longkpa ba kin iamih ryntih lang ban pyni ia ka nam ka burom jong ka shnong Mawlai bad ban pyni sha ki briew ba ki long u budlum jong ka jaidbynriew namar kane ka issue ka long ka issuei jong ka lawei ki pateng ki jong ki. Ki saw seng ki la kyntu ia ki paid nong shong shnong jong ka Mawlai ba kin iakynduh shwa ha Madan Heh Stadium ha ka por 11 baje mynstepi bad nangto kin sa ia iaid ryntih sha ka jaka ba pynlong ia ka Public Meeting sha Madan Student Jaiaw.
Ha ka juh ka por Ka KSU mawkhar circle ka khot bad ka wer iaki paradoh parasnam ka bri u Hynniewtrep ba kin ia wan sha ka public meeting ka ban long haka 30/11/2013 ban ai ka jjingkynshan ka kti ka mon ka diang haak tei ka sngi namar namar ka dawbah naka bynta ka lawei ka ri bad ak jaoitbynriew hi baroh ka wei, kumta ka seng ka pan ka jingkyrshan na ki paidbah naduh ki khynnah ,samla shynrang bad khynthei ,ki lonhkmie ki long kpa ba kin ia wan ha ka tei ka sngi .(SP News)
