Shillong, Nohprah 10: Ka pakhang shnong kaba 12 kynta kaba la khot da ki seng bhalang ban dawa na ka sorkar ba ka dei ban pyntrei kam ia ka Inner Line Permit ha kane ka jylla kala iaid beit khlem da don kano kano ka jingja kaba sngewsih.
Na ka liang jong ki bor sorkar ki la pynbiang ia ki lad jingiada baroh, la iohi ba ki pulit kila iaid pahara ha kylleng jong kane ka nongbah Shillong ryngkat ku magistrate ban peit kan nym don kano kano ka jingjia kaba sngewsih.
Na ka liang jong ka sorkar ka la pynbiang ia ki Bus sorkar ban kit ia ki nongtrei hynrei la iohi ba bun na ki ophis sorkar ha kane ka sngi ki la khang khyrdep bad kiba leit ban trei ki long kiba duna.
Ha ka juh ka por ka jingkylla kynsan jong ki seng bhalang ia ka por ba ki buh ban pynhiar noh ia ka pakhang shnong na ka 36 kynta sha ka 12 kynta ka la pynklumar jingmud ia ki paidbah namar kine ka jingpynbna kam shym la poi lang sha baroh ki lada pthai khubor.(SP News)
