Shillong, Naiwieng 18: U Rahul Gandhi, MP & Vice -President AICC, u la mynjur ban peit bniah ia ki jingeh jong ki Khlieh Nongsynshar ka jylla Meghalaya, khnang ba kin ioh ia la ka jong ka Regional Council kaba khlem don ki kynhun seng sain pyrthei na ka bynta ki nongsynshar naduh shnong, raid haduh Dorbar Hima. Kane ka jingiakren ka la mih ha ka jingiakynduh bad ka jingai ia ka dorkhas na ka liang ka Dorbar sha u Shri. Rahul Gandhi, MP & Vice -President AICC, da u bah John F Kharshiing, Co-Chairman, Meghalaya State Planning Board, Govt of Meghalaya, Chairman, Grand Council of Chiefs of Meghalaya, Spokesperson, Federation of Khasi States, ha ka jingiakynduh bad u mynta ka sngi ha Nongbah Delhi.
Ha ka tei ka jingiakren u Shri. Rahul Gandhi, MP u la kylli bniah halor ka rukom synshar ki Dorbar synshar tynrai kaba khlem liang(partyless), la pyntip ia u ba ha Khasi Jaintia hills ki don haduh 3363 tylli ki jait Khasi Pnar kiba don bynta ha ka synshar khaddar jong ka riti synshar tynrai, la iathuh ruh ba kine ki don ka rukom kaba kyrpang ha ka jingia ‘ting’ kur hapdeng ki jait khasi pnar, ka rukom ia rai ki Dorbar Shnong, Dorbar Raid bad Dorbar Hima lyngba ‘ka mon uba bun balang’ bad ka rukom weng Nongsynshar haba ki la duh ia ka jingshaniah jong u khun u hajar khlem da don ka synshar san snem.
La ia kren ruh bad u Shri Rahul Gandhi, MP, halor ka White Paper On Indian States – kaba iadei bad ka dulir relating to the Instrument of Accession and Annexed Agreement jong ki Khasi States ba la mynjur bad pdiang da ka Sorkar India ha ka 17tarik August 1948, bad kumno ki Khlieh Nongsynshar naduh shnong, raid haduh Hima kim ioh la ka jong ka Iing Dorbar bad ba ha ka Constitution of India bad hapoh ka 6 Schedule kim paw dur kine ki jingsynshar kiba kyrpang, la pyntip halor ka NCRWC report 2003 ba la buh hapoh parliament haka por synshar NDA, ki jingbthah ki hukum na ka NCST bad NHRC, ha u snem 2012, bad la pynpaw ha u ba ka jingiakhih ILP hapoh ka jylla shibynta ka long namar ka jing sngew syier halor ka jingrung suk ka kyrteng briew hapoh ki Electoral Roll wat lada kim dei ki trai shnong kaba la wanrah ia ka jingartatien ha kiba bun ba lang, bad khamtam namar ba kine ki jingsynshar kiba ki paidbah ki shaniah kim paw dur bad kim ioh lad ha kane ka jingsynshar hapoh ka Constitution. U Shri. Rahul Gandhi, MP u la kular ban phah khmih bniah ia kine baroh ki jingeh kiba la kdew ha ka dorkhas.(SP News)
