Shillong, Nailar 15: ka jingrakhe pyndon burom ia ka jinglait luid jong 
ka Ri India kaba 67th ha ka iaid beit ha ka jylla Meghalaya Baroh kawei khlem da don kano kano ka jingwit. Ki briew ki la ia mih paidbah ban ia shim bynta ha kane ka jingleh kmen ban kynmaw ia ka jinglait luid na ka jingshah synshar ha ki nongwei.
U Director General jong ki Police u Bah Peter Hanneman u la iathuh ha u SP News Agency ba ka jingrakhe ia kane ka sngi kaba khraw Independence Day ka la iaid beit ha ka jylla baroh kwei bad kam shym don kano kano ka jingpynwit ne pynthud ha kane ka sngi.
Na ka liang jong ki pulit ka jylla ki la pynpyrkhing bha ia ka jingai jingphara ha kyllengjong ka jylla khamtam eh ha kane ka nongbah Shillong ban peit ba kan nym don kano kano ka jingjia ha kane ka sngi rakhe ia ka jinglait luid jong ka Ri.
Ha Ri lum Khasi bad Jaintia wat la kam shym don kano kano ka jingjia hynrei ki iew kihat ki khang khatam ha kane ka nongbah Shillong bad ki kali ba iaid ba ieng ki duna. Hynrei ki paidbah ki la ia tuid sha ka jingleh kmen kaba la pynbeit da ka sorkar ha Madan Polo ban sngap ia kaei kaba ka sorkar ka don ban ong.(SP News)
