Tura, Nailur 25: ka pakhang shnong kaba ar sngi kaba la khot da ka seng lehnoh GNLA ha Garo Hills ka la sdang mynta ka sngi. Ha kane ka sngi kaba nyngkong ka pakhang shnong ka la iaid beit khlem da don kano kano ka jingjia ba sngewsih.
Kane ka jingkhot pakhang shnong ka long ban dawa na ka sorkar ba dei ban pynlait noh mardor ia ki dkhot jong ka GHSMC khlem da don kano kano ka jingteh kyndon bad kane ka pakhang shnong kan bteng haduh la shai ka sngi.
U SP jong ka West Garo Hills, Mukesh Kr Singh u la ong ba ha kane ka jingkhot pakhang shnong jong ka GNLA kam shym don kano kano ka jingjia kaba sngewsih ban a ka liang jong ki pulit ki long kiba la khreh ban tem lada ka mih kano kano ka jingjia.
Kiwei pat ki tyllong khubor ki iathuh ba ha kane ka sngi pakhang shong na ka liang jong ka seng lehnoh GNLA ka la buh ia ki briew jong ka ha kylleng jong ka Garo Hills ban peit ba kane ka pakhang shnong kan iaid beit bad ban nym don ba pynkhein ia kaei kaba ki la khot.(SP News)
