Shillong, Nailur 26: Ka Sougaijam Bidyalakshmi Leima kaba dang 18 snem ka rta kaba la long 
kawei na ki nongtrei mon sngewbha ka la pnylong ia ka jingiaid lynti da ka cycle ban ong ia ki paidbah ba dei ban sangeh ia ka jinglehbein ia ki kynthei na North East.
Kane ka samla ka la sdang ia kane ka jingiaid lynti ka jong ka ban pynkhriang ia kane ka khubor ba dei ban sangehnoh ia ka jingleh bein ia ki kynthei ha ka 21 tarik Nailur bad mynta ka la iaid kumba 2175 KM ha ki jylla ka dong shatei lam mih ngi jong ka Ri India kum ka Manipur, Nagaland, Arunachal Pradesh, Assam bad mynta ha Meghalaya bad la shai kan leit sha Tripura.
Kane ka samla ka la ong ba man ka sngi ba ka pule kotkhubor ka ong ba ka don ka jingshah lehbein ia ki kyhnthei. Ka ong ba kane ka jingleh bein ia ki kynthei dei ban sangeh noh shi syndon.
Ha kane ka jingpoi jong ka ha Shillong ka la iakynduh ia ki samla pule jong ka Shillong College bad ki la ia kren ia kane ka bynta bad ka la ong ba kat sha ba ka leit ka ioh ia ka jingkyrshah ban ia khun pyrshah ia kane ka jingshah leh bein ia ki kynthei.(SP News)
