Shillong ,Risaw,23:Ka jingpynkhreh iaka Monolith Festival ka ban l
ong ha Mawphlang haka 25 bad 26 tarik mynta u bnai ka la iaid shaid shaid mynta,ki briew ki la la ialeh katba lah ban pynbit pynbiang naduh ki lynti ki synkien, ki surok,ka jaka haka ban pynlong iaka jing shad, ki jait iing ha kaba la shna da ki siej bad u phlang ha laki jong ki jong ki hima.
Na ka liang jong u CEM jong ka KHADC u Bah Pynshngian Syiem u la kyrpad ia ki seng bhalang ba kin ailad ba kane ka jingleh kmen kan iaid beit ia ryntih namar kane ka dei ka jingleh kmen jong ka jaidbynriew hi baroh kawei.
Ha kine ki ar sngi u khun khasi khara yn ia poi lang na kylleng ki jaka jong ka Ri Khasi ban ia shim bynta ha kane ka jingleh kmen ban pyni nam ia ki shad tynrai. Dei ha kine ki sngi ba kin pynkynmaw ia ki paidbah ba ia ka rukom bam rukom dih ruh yn nym pyndon kam da kitiar kiba mynta hynrei kum ka juk u ba mynshuwa.
Haba ia dei bad katei ka jaka na ka liang jong u CEM u la pynshai ba ia kane ka jaka la ai sngewbha da ka hima sha ka KHADC khlem kano kano ka jingsiew ia ka, hynrei kan don ka jingiapynbeit ba ia ka jingmih na kane ka jaka yn ia bhah lang ha pdeng ka hima bad ka District Council.
La khot ka wer ia baroh ki paidbah ba kin ia poi ha kane ka sngi leh kmen kan nym don kano kano ka jingkhrong pisa na ki paidbah namar kane ka dei ka kam la jong. Ha kane ka sngi la synrang lang ia u CEM da u Bah A War, Irin Lyngdoh G Kharpuri, L Blah, Titus Chyne, Enbin K Raswai, Rasor Rani , Kenedy Khyriem bad kiwei kiwei.(SP News)
