Shillong, Lber, 14: ka jingiakhih ba kyndit jong ki nongtrei ka Meghalaya Transport Corporation mynta ka sngi , ka la wanrah ia ka jingeh ia ki paidbah nongleit jingleit shabar ka jylla lyngba ka Rel, Bos Night Super bad liengsuiñ.ka daw ba ki leh kumne ka long ba kim ioh tulop mynta la saw bnai ei ei.
Ha kane ka sngi ki nongtrei ka MTC kila khang khyrdep ia ki jaka die tiket ,kum ka tiket Rel, Bus Night Super bad Liengsuin naduh ka por 10:30 baje mynstep namar ka jingiakhih kaba la pynbna kyrkieh da ki nongtrei kane corporation.
Bun ki nong leit jngleit kiba leit ban thied ia ki tiket ban leit jingleit ki la hap ban shu leit phai thylli noh sha la ing namar ka daw ka jingkhang khyrdep jong ki Counter ha katei ka jaka kaba don ha khyndailad.
Haba kren bad ki nongthoh khubor U Bah Kyrshan Rumnong,u ba long General Secratary haba iakren sha ki lad pathai khubor halor kane ka jingsangeh treikam, u la ong, “saw bnai ngim shym la ioh tulop bad wat ka DA kaba 10% kaba naduh u bnai Kyllyngkot haduh Lber ruh ngim pat ioh satia haduh mynta na ka bynta saw bnai ka tulop jong ki nongtrei kan kot haduh T.2.62 klur.”
U la ong shuh shuh ba “Ngi la phah ruh ka jingtyrwa sha ka Sorkar Jylla ba lada long kaba lah kan ai noh da ka Voluntary Retirement Scheme (VRS) na ka bynta 123 ngut ki nongtrei kiba la aplai la slem bha na ka jingdon 272 ngut ki nongtrei ka MTC,”
Katba ka kong Melinda Shullai, kaba long ka Vice President jong kane ka kynhun ka la ialam ia ki dkhot kane ka Seng ban leit pynsngew ia kane ka jingeh u Bah HDR Lyngdoh u ba long u Myntri ka tnat Transport ka Sorkar jylla ka la ong, “ba u Myntri u la pan por shitaiew ban pynurlong ia kane ka jingdawa jong ngi bad ong ba un sa khot ia u Principal Secretary bad Commissioner ka tnat Transport ban bishar halor ka Additional Subsidy kaba la phah da ka MTC sha ka Sorkar Jylla.”
“U bah HDR ha kaba iadei bad kane u la ong ba ka Additional Subsidy ba ka MTC ka la phah ka la slem palat.
Ka kong Melinda Shullai ka la ong ruh ba mynta“Ngin pynsangeh shwa ia ka jingiakhih bad ngin ap shwa ia ka jubab na ka Sorkar bad lada ka jingdawa jong ki kam urlong satia ngin sa pynbna biang ia ki jingiakhih,”
Ka la iathuh ba ia ka Counter die tiket kaba don ha MTC yn plie biang naduh lashai ka sngi kumba ju long man la ka sngi.(SP News)
