Shillong, Nohprah 05: Ki pulit jong ka nongbah Shillong mynta ka sngi ki la kem ia u Bah Andy Sawian namar ba u la shoh bad byrngem ia u wei u pulit constable u ba la tip kyrteng kum u Bah E Sohshang ha Fire Bridge ha ka lai tarik mynta u bnai.
Ha kawei pat ka jingjia na ka liang jong ki pulit ki la ioh ia ka jingujor ba u Bondonnam Kharsyntiew 14 snem na Raitsamthiah bad u Pawan Konwar 12 snem Lower Lachumiere ki la jah na iing.
Ki pulit kila lap ia ki jain jong ki na Umthumthum mynta ka sngi na Mawlai, na ka liang jong ki pulit ki la tam ia katei ka um bad la ioh ban tam ia ka met jong kitei ki khynnah na ka tei ka jaka.
Na ka liang jong ki pulit ki ong ba ka lah ban dei ba kine ki khynnah ki leit ban jngi sha katei ka pung, wat la kata na ka liang jong ki pulit ki la pynlong ia ka jingtohkit ban lap ia ka jingshisha.(SP News)
