Shillong, Naiwieng 28: Mynta ka sngi ha ka por kumba 5.15 baje mynstep ki pulit jong ka East Garo Hills ryngkat bad ki kynhun SWAT ki la leit ban khynra ia ka ktem sah jong u C-In-C jong ka seng lehnoh United Achick Liberation Army (UALA) kaba don ha East GaroHills.
Ha kane ka jingleit khyndang jong ki pulit ka la don ka jingiasiat kaba jur bha hapdeng ki pulit bad ki lehnoh ha kaba kala neh kumba ar kynta ei ei. Ha kane ka jingiasiat lain gut ki lehnoh ki la shah siat iap ha shen, saw ngut kila mynsaw bad la ioh ban kem im ia u wei.
Ki pulit ki la iathuh ba une u ba shah kem la tip kyrteng kum u Columbus Shangdiar, ki pulit ki la pynkit ia u sha Tura Civil Hospital ban phah sumar. Na kane ka jaka ki pulit ki la ioh ruh shibun ki kot ki sla kiba ia dei bad kane ka seng.
Ki pulit ki ngeit ba kane ka jaka ka dei kaba u shong u commander jong kane ka seng lehnoh, u Norok X Momin . ia ki lain gut kiba la shah sait iap ym pat tip kyrteng, na kiba la mynsaw ki pulti ki la ioh ban kem tang ia u wei.
Kitiar kiba la kurup da ki pulit na kane ka jaka ki long ka 7.65 pistol ba dang don san tylli ki kuli, 3 granate, 2 laptop, 4 identity cards jong u Norok u ba kam ia lade kum u C-In-C, u Walsare C Marak Deputy C-In-C, U Narga R Marak u ba bat ia ka kam General Secretary bad Rilkam R Marak (Sgt Major).(SP News)
