Tura, Jymmang 28: U Witsan M Sangma u ba la shah kynnoh ba u dei u nongiarap jong ka seng GNLA u la khlad noh mynta ka sngi ha poh thanad ha Chokpot jong ka South Garo Hills.
Une u ba iap la tip kyrteng kum u Witson M. Sangma, u ba dang 28 ka rta u la shah ha ki pulit ha ka 27 tarik mynta u bnai bad kane ka jingiap ka jong u kala pynlong ba ki paidbah katei ka jaka kin ia khih paidbah da kaba pyrta pyrshah ia ki pulit. Kumba shi kynta ei ei.
Dang ha ka 20 mynta u bnai u Balsan S. Marak u la khlad ha ka jaka sumar jong ka sorkar ha Tura bad mynta kane ka jingjia ha Chokpot ka la jia biang bad kane kala pynbitar ia ki paidbah ka Garo Hills.
Na ka liang pyrshah hapoh ka iing dorbar thawain ka jylla kin sa rah ia kane ka jingiakren hapoh ka iing dorbar thawain kaban sdang ka jingiahsong dorbar ha ka 6 tarik jong u bnai jylliew u ban wan.
Na ka liang jong u GHP Raju IG Law and Order u la kyntu ia ki paidbah ba kin don ka jingshaniah ha ki kyndon kiba la buh da ka NHRC ha kaba ia dei bad ka jingiap jong ki briew hapoh thanad, u la kyrpad ia ki paidba ba kin kiar na ki jingiakhih lada ki jingiakhih kin dang jia kane kan pynkhlain pynban ia ki lehnoh la ong u Raju.(SP News)
