Shillong,kyllalyngkot,08: Ka Jaiñtia Student Movement (JSM)-Central Body ka ai ka jing iaroh ia ki bor pyniaid jong ka East Jaiñtia Hills District hadien ba ki la kyntait ban ai jamin ia u Dehas Swer uba don kti ban leh be-ijot ia kawei ka samla ha ka 21 tarik, Nohprah, 2013 kaba la jia ha ka thain Lad-Rymbai East Jaintia Hills District.
“Ngim lah ban len ba ka jingjyllei ki kam leh be-ijot ha kajylla jong ngi ka long shaba
palat hynrei kaba sngewsih ban iohi ka long ba tang hadien katto katne sngi kine ki bymman ki bym don shuh ia ka jingsngew para briew ki lait jamin noh khlem da pynshitom ia ki katkum ka kyndon aiñ,” ong u samla Sambormi Lyngdoh, Publicity Secretaryka seng.
Ka JSM ka kynthoh jur ia ka sorkar da kaba ong ba kumba long mynta ka aiñ ka kham
khor ia ki nongiakhih ILP kiba iakhun na ka bynta ka Ri bad ka jaidbynriew ban ia ki nongleh be-ijot kiba pynhiar dor ia ka ri bad ka jaitbynriew bad kiba iuhroit ia ka hok jong ki khynthei.
Ka JSM ka dawa jur na ka sorkar ba kam dei ban ai jamin ia ki nonglehbe-ijot khlem da pynshitom ia ki katkum ka kyndon aiñ namar ka seng ka iohi jngai ba ka jingioh jamin jong ki nongleh be-ijot ka dei ka dawbah jong ka jingjyllei jong kum kine ki jingjia hapoh ka jylla.
Sha shisien ka JSM ka iaroh bad kyntu iaki bor pyniaid District jongka EJHD ba nangne shakhmat ruh kim dei shuh ban ai jamin ia kum kine kijaidbriew khnang ba ngin lah ban pynduh jait ia kum ki kine ki jingjia hapoh ka jylla.(SP News)
