Jowai, Nohprah 15: Ka Jaintia students’ Union (JSU) sengkmie ha ka
jingpyllait khubor mynta ka sngi lyngba u General Secretary samla
Emperor Bareh ka pynpaw iaka jingiaroh iaka Laskein Block West Jaintia
Hills District halor ka jingpyntreikam bha iaka Scheme MNREGS lane
kaba ngi ia tip lang kum ka Scheme shispah sngi kaba la long shisha ka
jingkyrkhu kaba khraw ia ki Shnong ki thaw lane iaka thain hi baroh
kawei. Ha kaba ia dei bad kane ka Scheme na baroh ki block ha Ri lum
Jaintia Ka Laskei Block dei kaba kham lehbha.
Ha ki khyndiat sngi ba la dep na ka liang ka JSU
hapoh ka jingialam jong u General Secretary kala leit jngoh iaki
katto katne tylli ki shnong kiba hap hapoh kane ka Block ha kaba la
ioh ban sakhi iaka jingpyntrekam bha shisha ia kane ka Scheme kum ka
Shnong Raliang, Shangpung, Mookhap, Mookaiaw,. Mootyrshiah, Kyrwen bad
kiwei kiwei ha kaba lyngba kane ka Scheme ki shnong ki thaw ki la
kylla dur bad ioh shibun bah ki jingmyntoi kum ki lynti iaid kjat, ki
surok pohshnong, ki umbam um dih, ki pung um bad kiwei kiwei .
Ha kane ka jingleit jngoh, na ka liang ka Union
kala ioh lad ruh ban kylli na ki katto katne ki nong shong shnong ha
kaba ia dei bad kane ka Scheme ha kaba maki ruh ki la pynpaw iaka
jingsngewkmen bad don bok ban ioh ia kane ka Scheme. Kane ka Scheme ym
tang ba ka wanrah iaka jingmyntoi bad ka roi ka par hapoh ka shnong ka
thaw hynrei ka ai kam ruh ia kawei kawei ka longing haduh shispah sngi
haka shisnem bad lada ianujor naka shisnem jong kane ka Schem kan ia
ryngkat da ki phew phew snem kita ki .Schem ban iarap da ki
nongmihkhmat, ong u wei u rangbah na ka shnong Raliang u bym kwah ban
pynpawkyrteng.
Kumta na ka liang ka JSU ka pynpaw iaka jingiaroh
iaka Ophis C& RD Block Lakein halor kane ka jingshakri hok ia u
paidbah bad khamtam ruh iaka VEC, jong ki shnong bapher bapher kiba la
trei borbah ban pynurlong ia kane ka Scheme ha ka rukom kaba dei, bad
kane hi ka dei ka nuksa ba bha tam ia kiwei pat ki Block Ophis bad
kiwei pat ki shnong ruh ban bud nuksa ban dup lah ban pynteikam bha ia
kane ka. Schem kaba dei ka bhah ka bynta ka jongki khnang ban wan rah
iaka roi ka par hapoh ka shnong ka thaw bad haka district hi baroh
kawei.(SP News)
