Shillong, Rymphang 03: U Bah Lumkamai K. Nongrum, uba long uwei na ki dkhot ba pawkhmat jong ka Umroi Block Congress Committee, u la iehnoh na ka kam naduh mynta ka sngi bad na ka jinglong kum u dkhot ka seng Congress na ki daw shimet.
U Bah Nongrum u la phah noh ia ka shithi iehnoh kam sha u President ka Umroi Block Congress Committee.
U Bah Nongrum, uba la iakhun ia ka ilekshon MDC na Umroi constituency ha u snem 2009, u dei uwei na ki nongtrei ba shitrhem bad ba radbah jong u MLA ba mynta ka Umroi, u Ma Ngaitlang Dhar bad u dei u briew uba la noh synniang shibun eh na ka bynta ka shnong ka thaw bad ka imlang sahlang.
Na ka bynta ka ilekshon MDC ka ban long mynta u bnai, u Bah Nongrum u la rai ban kyrshan ia u kyrtong shimet, u Bah M.D. Syiem.(SP News)
