Tura, Jymmang 27: Ki seng bhalang na Garo Hills ha ka jingiakhih ka jong ki mynta
ka sngi ban dawa na ka sorkar ba ka dei ban thung ia ka jingthohkit da ka Judicial probe ha kaba ia dei bad ka jingiap jong u Balsan S Marak ha kti jong ka ain,
Kine ki seng bhalang ki dawa ba ka sorkar ka dei ban siew T. 50 lak sha kiba iing ha sem jong u Balsan bad ia ka postmortem dei ban leh da kiwei ki doctor, lada ka sorkar kam sngap ia kane ka jingdawa ka jong ki hapoh hynniew sngi kin pynlong sa ka jingiakhih la ong u president jong ka GSU u Tengsak G Momin,
Na ka liang jong u myntri rangbah ka jylla u la dep ban ai ka jingkular ia ki seng bhalang ba ka sorkar kan sngap ia ka jingdawa jong ki ki seng bhalang. U Balsan u la iap ha kti jong ka ain ha ka 20 tarik mynta u bnai.
Na ka liang jong ka sorkar ka la dept hung ia ka kynhun tohkit ha kaba ia dei bad kane ka jingjia ia kaba la khleih da u Peter Ingty bad ka sorkar kan sa bishar bniah ynda kala ioh ia ka kaiphot.
Ha kane ka jingialang paidbah kaba la long mynta ka sngi ha Chandmari ha kaba palat ia ka shihajar ngut ki briew kila wan ban ia shim bynta. Ha kane ka jingialang paidbah bun ki seng bhalang kila kren ha kaba ki paidbah ki la shah skhor wat hapdeng jong u slap.
Kawei na ki jingkren jong ki seng bhalang ki la dawa ba dei ban don ia ka CCTV ha ki police station ha kaba ki pulit kin nym lah ban leh kput ia kiba shah kem.(SP News)
