Shillong, Nailur 30: U Bah Sanbor Shullai MLA jong ka Laban u ba dei ruh u Deputy Speaker jong ka iing dorbar thawain ka jylla mynta ka sngi u la ai ka jingiarap sha ki 99 tylli ki long iing na ka lyngba jong ka Discretionary. Kane ka jingiarap ka la kot sha ka T.17, 65, 671, ong ka Monitoring Cum Implementation Committee (MCIC), 19 South Shillong LA Constituency.
Ka MCIC kaba long ka committee kaba khmih ia ka khein ka diah ka la pynlong ia ka jingialang ha ka 29 tarik u Nailur 2013, kumba ka la buh jingkynmaw (Record) katkum ki kot ki sla ba biang bad ba la dep phah sha ka sorkar ka la ai jingiarap bad jingkyrshan pisa tyngka sha ki nongioh jingkyrshan bad jingmyntoi halor ki jingdonkam bapher bapher.
Ka Discretionary Grant (DG) baroh kaba u la ioh ka long T.8,43,171 lak, ka tulop kaba u ioh ka long T.1,03,750 shi bnai bad 6 bnai baroh ka kot sha ka T.6,22,500 bad T.3 lak kaba u la ioh na ka Discretionary Grant kumba ioh lem kiwei ki nongmihkhmat, haba kheinlang baroh ka kot sha ka T.17,65,671 lak.
Kane ka jingiarap kaba u la ai sha ki paidbah ka long na ka bynta kito ki long iing kiba duk kiba don hapdeng ka jingpang kaba shitomb an sumar ia ki, ia ki samla pule kiba wan na ka iing kaba duk bad jynjar kiba ngat ha ka jingpluh ki iing ki sem ba dkiwei kiwei ki jingeh kaba ki ia kynduh.(SP News)
