Shillong, Jymmang 31: Ki shipai Boarder Guards of Bangladesh (BGB) ki la ioh kem ia ki shiphew tylli ki liang na ka ri jong ki ia ki lieng kiba la tuh na India na ka wah Dawki da ki khar Bangladesh.
Kane ka dei ka jingjia kaba kham niar ban ioh biang ia ki mar ki mata kiba la poi sha kawei pat ka Ri. Na ka liang jong ki BGB ha dien ba ki la ioh ia ka jingujor na ki shipai BSF ki la thwet ia ki bad la ioh ban kem bad la pynbha sha India mynta ka sngi.
U Rangbah shnong jong ka Dawki u Bah M Ryngksai u la ithuh ha u SP News Agency ba iakine ki lieng kiba la tuh na India la ioh biang mynta ka sngi bad la aiti sha ki trai lieng. Kane ka jingkloi jong ki BGB ban ia rap ka long ka dak ba ka la don ka jingiatreilang hapdeng ki BGB bad ki BSF na India.(SP News)
