Shillong, Naiwie3ng 28: Ki shipai Border Security Force kiba la buh h
a Tikrikila jong ka West Garo Hills ha dien ba ki la leit ban khynra ia ka shnong Jungmait ki la ioh ban kem ia u nongtrei ka seng lehnoh GNLA na West Garo Hills District.
Ki shipai BSF ki la ong ba une u briew la tip kyrteng kum u Toren Sangma u ba dang 25 snem ka rta. Ki BSF ki la ioh ruh na u ia kawei ka kali Tata Sumo kaba don ia u number ML-07B-3087. Une u Toren u la phla ba u la trei na ka bynta katei ka seng bad ha ka sngi iew u la lum T.2.2 lak ha ka kyrteng jong katei ka seng lehnoh.
Ha kawei pat ka khubor na ka liang jong ki shipai BSF ki la ioh ban kem ar ngut ki khar Bangladeh na ka shnong Kuliang kaba hap hapoh jong ka East Jaintia Hills. Ki BSF ki la kem ia ki katba ki dang thmu ban rung sha India. Ia kine la aiti sha ki bor jong ka ain ba kin leh ia kaba don kam.(SP News)
