Shillong, Jymmang 15: Ki shipai BSF kiba don ha South Garo Hills kila ioh ban kurup ia ka pisa thok na kawei ka jaka kaba don ha South Garo Hills. Kane ka pisa kaba ki la ioh ban kurup kala kot sha ka san lak tyngka.
Haba ki shipai BSF kila rah ia kane ka pisa sha ka SBI Bank kaba don ha Baghmara ban peit bniah la lap kaba bun na kane ka pisa ka dei ka pisa thok. Na ka liang jong ki BSF kim shym la ioh ban kem ia u briew namar ba u la phet noh ha ka jingdum jong ka miet.
Ha ka jingthoh kit jong ki BSF la shem ba kane ka pisa ka dei ka pisa laba la dawa na ki nongkhaii bad ka jingthmu ka long ban phah ia kane ka pisa sha Bangladesh sha ka nongialam jong ki seng lehnoh. Ki BSF kila aiti ia kane ka pisa sha ki pulit ban leh ia kaba don kam.(SP News)
