Tura, Nohprah 11: Ki pulit jong ka East bad South Garo Hills ki la ioh ban kurup shibun kit air ialeh na ka ktem jong ka seng lehnoh GNLA kaba ki la leit ban kyndang ha Durama Hills ha East Garo Hills ha ka 10 tarik mynta u bnai.
Ki tiar ialeh kiba la ioh ban kurup ki long kawei ka (MKII) assault riffle, kawei ka chiness hand grenade, ar tylli ki pistol magazine, 7.65 ki kuli jong ka suloi AK-47, lai tylli ki identity cards jong ki dkhot ka GNLA.
Kaei kaba la pynlyngoh ia ki pulit jong ka jylla ka long ba kumni ki tiar pynbethei kiba la shna da ka company Amin explosive PVT Ltd an ISO 9001 2000 company Yenvera district Nagpur 441502 India ki poi ha kten jong ki lehnoh GNLA.
Na ka liang jong ki pulit ki la ong ba ha kane ka jingleit khynra kam shym don kano kano ka jingialeh pyrshah na ki dkhot jong ka GNLA namar kam shym la don kano kano ka jingiasiat kaba markylliang.(SP News)
