Shillong Naitung 19: Ka Federation of Khasi,Jaintia and Garo People (FKJGP) mynne ka sngi ka la hiar sha Mairang ban pynthymmai ia ki nongkitkam jong ka Mairang Circle hadien ba don katto katne ki riewshimkabu bad ki khwan myntoi shimet kiba la thmu ban pynjah burom ia ka seng khlem kano kano ka daw da kaba pynmih ha ki kot khubor ha ka 13 tarik u Naitung,2013 ba la khylliap lama ia ka seng FKJGP ha Mairang.
Ha kane ka jingialang la don ryngkat lang ki rangbah jong ka shnong u Sordar jong ka Pyndeng umiong bah Bornard Syiemiong,Secretary bah Lambor Nongrum, ki samla jong ka shnong ryngkat lang bad ki nongialam jong ka seng na West Khasi Hills bad East Khasi Hills District.
Ia kane ka jing ialang la pyniaid da u bah R Nongsiej bad la ioh jingkren na u President ka FKJGP u bah Joe Marwein, u General Secretary u bah Wellbirth Rani, ki nongialam ka FKJGP, ki sordar kiba la ai ruh ki kyntien kyntu kynpham ia ki Nongkit kam ba thymmai
Ki nongkitkam ba thymmai ki kynthup ia u President, Micheal Kharmuti,Vice President Lakshmon Mawrong, Kletus Kharmawlong,Sylvester Wahlang.General Secretary Bhalang Nongrum, Cultural and Environment Secretary Shanbor B Ryntathiang, Asst Cultural and Environment Secretary Arten Wahlang, Sports Secretary Kitbok L Mairong ,Asst Sports Secretary Teibor Marbaniang,Information Secretary Kitbor Rani, Education Secretary Kitbok Jarain, Transport Secretary Kwin Kurbah, Asst Transport Secretary Monsing Wahlang. Ia kine ki Nongkit kam ba thymmai pynskhem da u President u bah Joe Marwein bad hadien kane ka Seng kala leit buh syntiew ruh ha u mot jong u Tirot Sing uba don ha Mairang bad la pynlong ruh ia ka jing sngap jar kaba shi minit kum ka dak ka jingkynnmaw burom ia ka lyngkhuh sngi iap kaba 178 jong u Syiem Tirot Sing.(SP News)
