Shillong, Nailar 23: Mynta ka sngi ka long ka jingjop kaba khraw ia ki pulit jong ka jylla ha kaba ha kaba ki la lah ban pynpra ia ka ktem ba bah eh jong ka GNLA kaba don ha ha ka khlaw Durema ha East Garo Hills.
Katkum ki lad khubor kiba la ioh da u SP News Agency ki iathuh ba ka la don ka jingiasait mar kylliang kaba jur bha hapdeng ki pulit bad ki lehnoh GNLA ha kane ka jingiasait la ong baa r ngut ki lehnoh ka GNLA ki la kyllon iap.
Na ka liang jong ki pulit ki don ka jingsuba ba u nongialam jong ki u Sohan D Shira ruh u juh wan sah ha kane ka jaka man ka por. Na kane ka jaka ki pulit ki la ioh ban kurup bun ki tiar ialeh bad ki kot ki sla kiba ia dei bad ka seng GNLA.
Kane ka jingshah kyndang katei ka ktem jong ki lehnoh GNLA ka long ka jingjot kaba khraw ia katei ka seng namar haduh mynta ki pulit kim pat ioh ban kyndang ia ka ktem jong kane ka seng lehnoh kumba ki ioh mynta ka sngi.
U Director general jong ki Police u Bah PJP Haneman u la iathuh ha u SP News Agency ba ka kane ka jingioh ban pynpra ia kane ka ktem jong ki GNLA ka dei kawei na ki ktem ba heh duh jong katei ka seng ha kaba la ioh bun ki kot kiba ia dei bad ka jingtrei kam jong ka.
Na ka liang jong u DGP u la pynthikna ba ha ka jingiasait u wei u lehnoh u la iap hynrei ia u wei ba la mynshaw jury m pat lah ban pynthikna namar ki pulit kiba don ha kane ka jaka kim pat wan phai bad haduh mynta ym pat lah ban ong ei ei kaba kham bniah hynrei ka jingjia ka long kaba shisha.(SP News)
