Shillong, Rymphang 17: U Bah Pynshngian Rumnong kyrtong shimet u ba la mih ban ia khun ia kane ka MDC election na ka 18-Mawkhar-Pynthorumkhrah constituency u la pyntip paidbah ba na ka liang jong ka tand election ka la ai ia u da ka hap ha ka dur jong ki sla.
Ha ka jingphah khubor jong u Bah Rumnong mynta ka sngi u la kyntu la wer ia ki paidbah jong kane ka constituency ba kin sngew bha ban ai ka jingkyrshan ia u ha kane ka election MDC kaba mynta na ka bynta bay n ioh ia ka lad bay n shakri ia ki paidbah bad khamtam eh ha kaba ia dei bad ka jingpynneh pynsah ia ki jong ki riti ki dustur.
Na ka liang jong u Bah Rumnong u la ong ba ynda ki paidbah kila pynjop ia u kum u MDC jong ki un pyndep ia ki kular kiba u la khlei ha ki paidbah kumba u la ai ka jingkyrpad paidbah ka jong u lyngba ka appeal kaba la sam sha ki paidbah.
Na ka daw jong ka jinglyngkot palat jong ka por u bah Rumnong u la ong bay n nym lah ban poi sha baroh ki iing hynrei u kyrpad ia ki paidbah ba kin nym sngew ei ei ia kane bad u kyrpad ba kin sngebwha ban ai ka jingkyrshan ia u ha kane ka MDC ka ban sa long ha ka 24 tarik mynta u bnai da kaba kin shon ha ka shap ka dur jong u sla la ong u bah Rumnong.(SP News)
