Shillong, Naiwieng 05: I Kong Minimon Laloo iba long i nongthohkot bala pawnam bha jong ka jylla Meghalaya,ila ïohpdiang ïa ka khusnam “SAHITYA SHIKHAR AWARD 2012” na ka Surbhi Sahitya Sanskriti Akademi, Khandwa ha ka 28 tarik u Risaw 2012 na Khandwa, Madhya Pradesh.
Ïa kane ka khusnam la ai kum ka dak ka jingsngewburom bad ithuh ïa ka jingnoh synñiang ba radbah jong i nongthoh sha ka thiar jong ka thoh ka pule.
Haduh kat mynta I Kong Minimon Laloo ba shong basah ha Laban Last Stp, i la thoh bad pynmih haduh 54 tylli ki kot,ki ba kynthup ïa ki Novel,ki Biria,Drama,Poitri,Khana lyngkot bad kiwei de ki bym dei ki saiñkhana kum ki ba ïadei bad ka Kolshor,ki Lehniam bad ki kot Jingtip Kyllum(General Knowledge).
Kumban shu pynkynmaw ha ka 11 tarik u Nohprah 2011 I kong Minimon Laloo ila ioh ia ka khusnam DR.AMBEDKAR SAHITYASHREE NATIONAL AWARD 2011 na ka Bharatiya Dalit Sahitya Akademi(BDSA) ha ka jingialang kaba la long ha New Delhi. Shuh shuh ha ka 26 tarik u Jymmang 2012 ila ïohpdiang sa ïa ka khusnam “Sahitya Ratna Award 2012” na ka kti jong u Governor barim ka Arunachal Pradesh u Mata Hari Prasad ha ka jingialang kaba la long ha Damodar Hall, Parel, Mumbai kaba la pynlong da ka Samata Sahitya Academy, Mumbai kaba la seng da u Dr S Tandekar. (SP News)
