Jop ka Assam Rifles ha ka sngi sdang jong ka Governor Golf Cup tournament

Shillong, Naiwieng  24: Ka kynhun ialehkai Golf jong ka Assam Riffle kaba kynthup ia u  Lt Col Sandeep Sharma bad Major RD Dabla kila jop ha ka jingialehkai golf kaba la pynlong da ka Assam Rifles ia kane ka jingialehkai la tip kum ka Governor Golf Tournament kaba la pynlong ha Laitkor Golf Course.

Kane ka jingialehkai ka la neh ar sngi lynter bad ka jingialehkai ka long kaba shonghit ha kaba ka jingiakhun hapdeng ki para kynhun shipai ka long kaba mar ia beh ha kaba ka Assam Riffle ka la ioh 120 point ban poi sha ka jingjop. Kiba la wan ban ia shim bynta ki long na ka kynhun shipai, Indian Air Force, Assam Rifles, CRPF, ITBP, BSF bad ki briew shimet na Shillong bad Tura.

Ia ka khusnam ha kane ka jingialehkai la bhah ha ki ar bynta ka khusnam ksiar bad rupa. U Brig CMF Prabhu u la ioh rah ia ka khusnam rupa  bad ka  Esha Sharma pat u la ioh rah ia ka nam nongialehkai bat bit na ki kynthei bad ia ki shynrang la ai sha u  Lt Col Sandeep Sharma.

U Air Marshal RK Sharma, AVSM VM, u la ioh rah ia ka nam ba jngai eh ha ka jingtied golf  na pdeng kiba la rangbah bad ha kaba u la tied haduh 362 kam. U Col N Selvakumar jong ki  BSF u la ioh ia ka khusnam kaba jlan eh ha kaba u la tied haduh 455 kam. Kine ki long na ki ba la heh ka rta.

Ki wei ki nongjop na pdeng kiba dang kham khynnah ki long u  Dy Comdt RS Yadav jong ka  Assam Rifles bad  Lt Col S Mondal jong ka  MH Shillong.(SP News)