Shillong, Iaiong 09: Ka kyhun ialehkai Hockey jong ka jylla Meghalaya mynta ka sngi kala jop pyrshah ia ka Tripura da 12 la 1 bad ha ka jingiakhun pyrshah ia ka Assam, ka Meghalaya kala pynliem da 12 la 0 ha ka 27th North East Games 2013 kaba long ha Khuman Lampak Stadium, Imphal.
Kne ka kynhun ia lehkai ka jylla Meghalaya ka la ia khun nymkong eh bad ka jylla Tripura ha ka ha ka por mynstep bad ha kane ka jingiakhun ki rang ialehkai ka Meghalaya kiba la ialehkai bha kila pynjem khnap ia ka Tripura ha kaba ha ka kylla step kila thep 5 kol katba ka Tripura kala ioh thep 1 kol bad ha ka kylla miet ki rang ialehkai ka Meghalaya kila ioh thep sa 7 kol.
Ha ka jingiakhun ka baar pyrshah ia ka Assam ha ka por noh phai sngi, ka Meghalaya kala pynbam ia ka Assam da 12 kol, ha kaba ka Meghalaya ha ka kylla step kala thep 4 kol bad ha ka kylla miet pat kila thep 8 kol katba ka Assam kam shym la lah wat ban thep tang shi kol.
Ha kawei pat ka jingiakhun ka Mizoram kala pynliem ia ka Nagaland da 10 kol la 0, ha ka jingiakhun ka baar ka Mizoram kala shah pynliem noh ha ka Manipur, ha kaba ka Manipur kala pynbam ia ka Mizoram da 9 la 2 kol.
Ka Meghalaya mynta kaba dei ka lahduh ha ka Group B kan iakhun pyrshah ia ka Mizoram kaba wan baar ha ka Group ha ka Semi Final, katba ka Manipur kaba wan banyngkong ha ka Group A kan iakhun pyrshah ia ka Tripura kaba wan baar ha ka Group B.(SP News)
