Shillong, Rymphang 27: Ha kane ka jingniew vote kaba la long mynta ka sngi na ki 12 ngut ki long kmie kiba la ia shim bynta ha kane ka election MDC kiba la jop ki long saw ngut, na kine lai ngut ki dei ha KHADC bad kawei ha JHADC.
Ha KHADC, ki long kmie kiba la jop ha kane ka election ki long ka kong Garce Mary Kharpuri na Nongkshen na ka seng HSPDP, ka kong Telinia S Tahngkhiew na Mylliem bad ka kong Rona Khyndeit na Nongpoh na ka seng UDP.
Ka long ka jingsah kynmaw ha ka iing dorbar jong ka JHADC namar ha kane ka kynti kaba mynta ka long ka sien kaba nyngkong ba ka long kmie kan jop ia ka MDC election na ka Rymbai Khliehrait Constituency, ka kong Violet Lyngdoh na ka seng UDP.(SP News)
