Shillong, Rymphang 27: U Returning officer jong ka West Jaintia Hills u Bah PS Dkhar u la iathuh ba ia ka jingop jong u kyrtong na ka 18-Jowai Central la rai da kaba shu kyntieng pisa namar ba ar ngut ki kyrtong ki ia ioh mar kat juh ka vote 2316.
Ha kane ka jingiakyntieng pisa la jop da u kyrtong jong ka seng Congress u Bah Awhai Andrew Shullai, da kane ka jingjop ka jong u ka la buh ia ka seng Congress ba kin poi sha ka 14 ngut ki MDC ha ka iing dorbar kaba 29 ngut.
Ka seng Congress kaba bat ia ka bor synshar ha ka sorkar jylla ka don ia ka bor ban thung u wei u MDC bad kane kan pynlong ia ka seng Congress ba kan don 15 ngut ki MDC ka duna mynta sa tang u wei ban ioh ia ka jingbun paid.
Ha JHADC kala paw shai kdar ba ka Congress kan ioh ia ka jingsynshar bad kan thaw ia ka executive committee hapoh jong ka JHADC.(SP News)
