Shillong, Jymmang 15: Ka jingniew vote na ka bynta ka MP Election ha ka jylla Meghalaya kala long mynta ka sngi ha kaba u Bah Vincent H Pala kyrtong jong ka seng Congress u la jop biang sa shi sien na kane ka Shillong Parliamentary Constituency da palal ia ka sawphew hajar vote.
Ha dien ba la dep ban niew ia ka vote u bah Vincent H Pala kyrtong jong ka seng Congress u ioh 209288 vote, u Rev Prechard PB Basaiawmoit IND u ioh 168940 vote, u Bah Paul Lyngdoh UDP u ioh 106806 vote, u Bah Shibun Lyngdoh jong ka BJP u ioh 95904 vote, u Bah Amerington Kharshiing AAP, u ioh 8812 vote, u Bah Richard D Shabong CPI u ioh 7418 vote, kong Ivoryna Shylla IND ka ioh 7418 vote bad u Bah Denish Siangshai IND u ioh 5092 vote.
Baroh ki briew kiba la poi ban jied ia u kyrtong MP na kane ka Shillong parliamentary Constituency ki long 619219 ngut bad na kitei kiba la leit ban thep ia ka vote ka jong ki 10942 ngut kim shym la the piano iano ruh hynrei kila thep ha ka NOTA, kaba mud kim mon satia iano iano ruh.
Katba ha Tura u Purno A Sangma mynta ka sngi u la ioh biang ia ka jingjieid jong ki paidbah ha kaba ki la pynjop ia u ha kane ka kynti kaba mynta ruh. Ha kane ka jingniew vote kaba la long mynta ka sngi, u Purno u la ioh 239237 vote bad u kyrtong ka Congress u Darly William CH Momin u la ioh 19273 vote, katba kiba thep ha ka NOTA kaba ki pyni ba kim mon ia ki kyrtong ha Tura kala kot sha ka 19273.
katba thoh ia kane ka khubor ka jingniew vote ka dang iaid sha khmat tang la thikna ba ka jingjop na Shillong Parlimentary seat ka leit sha u Bah Vincent H Pala bad na Tura ka leit sha u Purno A Sangma.(SP News)
