Shillong, Naiwieng 11: U secretary jong ka Meghalaya Urban Development Authority (M
UDA) haba jubab ia ka jingpan jingpynshai jong u Deputy Commissioner jong ka East Khasi Hills ha kaba ia dei bad ka memorandum kaba la ai da ki nongiakhih halor ka jingkhyndang ia ki iing ha Mawlong-Mawtari bad d Umsawli katkum ka shithi No. MUDA/ Mon/18/2009-10/P08.
Ha kane ka shithi kaba u la phah sha u DC jong ka East Khasi hills u la ong ba ka jubbab ha kaba ia dei bad ki jingpan jingpynshai halor ka tei ka phang ka long ba ka long kumne harum.
Ia ki nongshong beain ym don kam ban da ai jingtip lah ban beh ia ki katba ki sngewbit ha kano kano ka por.
Ia kaine ki nognshong beain ka MUDA ka lah ban kyndang ia ki ha kano ka sngi na ka liang jong ka MUDA ka la buh ia ka 8/11/11 ba kan leh ia kane ka kam na ka bynta jingbiang lang jong baroh.
La ong ba ha katei ka sngi la buh ruh 20 ngut ki kynthei kiba dei ki security jong ki riew shimet, hynrei ki la shong sha jngai kim shym la don bynta eh haduh katta katta ka jingbuh ia ki ka long ban iarap ia ki pulit lada don kam.
Kine ki nongshong beain kim don hok ban ioh ia kano kano ka jingiarap. Kito kiba don hoh ban ioh ia ka jingiarap ki dep ban leit mih ha katei ka tand sorkar lyngba ka lynti kaba dei khlem da shong beain ha ka jaka jong kiwei.
Na ki khyndai tylli ki jingpan jingshai na ka liang jong u secretary jong ka MUDA u la jubab tang ia ki saw tylli, katba ia kiwei ki san tylli ym shym la ai kano kano ka jubab. Na ka liang jong u DC ia kane ka jubab kaba u la ioh na MUDA u la ai sha ki nongialam jong kito kiba ia khih ka kong Angela Rangad bad kiwei.(SP News)
