Shillong, Lber 22: Ha ka miet 21 tarik na ka daw jong ka jingjur palat ka lyer lang thari ia kaba la khot kum u kyllang ka shnong Mawsynram ka la mad ia ka jingeh kaba khraw ha kaba da ki phew tylli ki long iing ki la jot ei thiaw na ka daw jong ka jingbeh ka lyer.
Katkum ki khubor kiba la ioh da u SP News Agency la iathuh ba bun na kine ki iing kiba la shah ktah ki dei kiba don ha ka shnong Mawsynram Dongshiling bad kum juh ki iing kiba don ha poh shnong Dongneng bad Dongrum jong ka shnong Mawsynram.
Katkum ki jingtip kiba la lah ban ioh wat la ka don ka jingshah jynrat jong ki iing ki sem hynrei haduh mynta ym pat lah ban ioh jingtip la ladon ne em kiba mynsaw ha kane ka jingjia. Kat haduh ba thoh ia kane ka khubor ym shym la ioh jingtip la ki bor sorkar ki la leit ne em ban phah jurip.(SP News)
