Pynursla, Naiwieng 25: Ka dorbar shnong Lyngkhat bad ka seng Federation Ri War mih ngi ka la pynlong ia ka jingialang paidbah ha ka shnong Lyngkhat ban ia kren halor ka jingshoh u Ningtu Kuri ia u rangbah shnong u bah K K Tangsong ha ki bnai kiba la dep.
Ha kane ka jingialang na ka liang jong ki paidbah ki ia pyrta ba dei ban beh shnong ia u tei u briew, hynrei na ka liang jong u SDPO jong ka Sorah u Bah Onel Swer u la pynsngewthuh ba ka ain kam shah ban beh shnong bad lada ki leh kumta kim ngat ha ka jingpynshitom kaba tyngeh.
Ha dien jong kane ka jingiakren na ka liang jong ka shnong kala sngap ia ka jingkren jong u SDPO hynrei ka la ong ba ka shnong kan nym don shuh ka jingkit khlieh ia u ha ka imlang sah lang.
Na ka liang jong u SDPO u la ong ba ka jingthohkit ia ki jingujor ka dang iai bad ban ong mano ba dei mano ba lait ym lah ban batai, hynrei la ong ba lada ka jingujor ka long khlem nongrim kin shah pynshitom lada ki shuklren lamler.(SP News)
