Shillong, Naiwieng 14: Ka kynhun Avenues ka la dap mynta shiphew snem ha ka jingtrei kam ka jong ka ban hikai ia ki briew kumno ban long kiba adkar bad kumno ban kren bad ban long ki briew kiba tip ia ka burom ka akor.
Ha kane ka jinghikai kaba kin sa ai ia kaba la tip kum ka “Winter Workshop” ki kham peit kyrpang ia ka jinglong ki jong ki khynnah. Ha kaba nyngkong kin ia kynduh shuwa ia ki kmie ki kpa jong ki khynnah ban tip sha phang jong ki.
Ha dien ba ki la tip ia ka jinglong jong ki khynnah kin sa ai ka jinghikai ia ki ha kata ka rukom ba kumno ban pynlong ia ki ki briew kiba shemphang bad kiba lah ban kren ha ka rukom kaba dei. Na ka liang jong ka Avenue ka juh pynbun ia ka jingshim briew na ka snem sha ka snem hynrei kam lah ban pdiang lut ia baroh namar ba bun ki ba wan shah hilkai.
Dei na kane ka daw ba ka Avenues ka la shim ia ka rai ba kin pdiang kat ia kiba wan nyngkong bad la don kiba khlem wan na kiba la wan ai kyrteng kin sa pynrung ia kiwei pat.
Ka jinghikai kaba ki khynnah kin ioh ka long ba kumno ban kren, ban kren kam dei kaba suk ka dei kaba shitom ban pynpaw ha ka jingkren ia kaei kaba ki don. Kane ka jinghikai ruh kan long ban pynrungha u ne ka khynnah ba kumno ki dei ban sngew shlur ha lade ia kaei kaba ki leh.(SP News)
