New Delhi Jymmang 15: Ki paidbah jong ka Ri India kiba la ioh ia ka jingmyntoi na ka skhim MGNREGA ki dei ki long kmie bad kito kiba duna ha ka jingnang jingtip. Kane ka skhim ka la iarap shibun ia kiba bylla sngi.
Ha ka khubor kaba la pynlait da ka PIB kaba dei ka tnad pathai khubor jong ka sorkar pdeng ka la pyntip paidbah ba ia kabai bylla sngi hapoh ka jylla Harayana kam dei ban palat ia ka T.214 tyngka bad ha ki jylla jong ka dong shatei lam mih ngi jong ka Ri India kam dei ban duna palat ia ka T.135 tyngka.
Ka National Sample Survey kaba 66th ka la pynthikna bad ka MGNREGA ka la pynduna ia ka jingsiew bai bylla kaba pynapher hapdeng ki kynthei bad ki shynrang. Yn tang kata kane ka la wanrah ia ka jingpynkiew ia kabai bylla sngi wat ha ki kam jong ki riew shimet.
Ha duh ka 31 tarik jong u Lber kiba la ioh bylla na kane ka skhim ki la kot sha ka 1408 klur ngut ki briew. Na ka liang jong ka sorkar pdeng mynta ka dang pynkhreh ban pyntrei kam ha ki jylla baroh ban siew ia kane ka bai bylla sngi da kaba thep ia ka pisa ha ki bank account jong ki nong bylla ia kaba la tip kum ka “Electronic Fund Management System”.
Kane ka ain Mahatma Gandhi National Rural Employment Guarantee Act ka long ban pynthikana ba ki briew ki dei ban ioh ia ka bylla shipsah sngi haka shisnem. Kane ka skhum mynta ka la trei kam ha ki 632 tylli ki District ha ka Ri India.(SP News)
