New Delhi Nailar 06: U myntri khynnah jong ka sorkar pdeng u ba dei peit ia ka tand Human Resources Development u Dr. Shashi Tharoor ha ka jubab ka jong u mynta ka sngi hapoh Rajya Sabha u la ong ba ka sorkar pdeng ka la pynthymmai ia ka jingtrei kam ha kaba ia dei bad ka jingai ja sngi ia ki khynnah ha kane ka plansan snem kaba 12.
Ia kane ka skhim MDMS la air uh sha ki skul jong ki riew shimet ha ki jaka riewlum bad ha baroh ki jaka ba don bun ki rit paid bad ka jingai ia kane ka skhim ka long ruh na ka bynta kito ki khynnah kiba don ha ki pre-primary school.
Ha kane ka jingpynthymmai ia ka rukom trei kam, na ka bynta ki jylla jong ka thain shatei lam mih ngi jong ka Ri India ia ka baikit la pynkiew na ka T.75 tyngka sha ka T.150 tyngka, ia ka bai nongshet la pynkiew sha ka T. 1500./ tyngka na ka bynta u snem 2013-2014.
Na ka bynta ban thied ia ki tiar shet pat la pynkiew sha ka T.15000/- tyngka bad kane ka long ha ka jingiabei tyngka lang ha pdeng ka sorkar pdeng bad ki sorkar jylla 75% : 25% katba na ka bynta ki jylla ka North ka long 90% : 10%. La ong ka khubor jong ka pib.(SP News)
