New Delhi Nailar 21: Ka Reserve Bank jong ka Ri India (RBI) ka la pynmih ia ka hokum ban a ka bynta ban plie account thymmai ha bank tang da ka Aadhaar kard ka la biang ba kan long ia sahkhi ban tip ia u nong plie account.
Haba jubab hapoh ka dorbar Lok Sabha mynta ka sngi u myntri khynnah ba dei peit ia ka tnad pla pisa jong ka sorkar pdeng u Namo Narian Meena, ka jingpynshisha jong da ka Aadhar kaba la aid a ka Unique Identification Authority of India (UIDAI).
Ka RBI katkum ka jingpynbna jong ka kaba la pynmih ha ka 28.09.2011 kala ai ka jingbthah ia baroh ki Bank ban pdiang ia kane ka Aadhar kaba la aid a ka Unique Identification Authority of India (UIDAI) ba kan long ka kot ban pynshisha na ka bynta ban plie account.
Ha ka 10.12.2012 ka RBI ka la pynmih biang ia katei ka jingpynbna na ka bynta kajingtip jong ki paidbah la pynshai u myntri khynnah ka sorkar pdeng hapoh Lok Sabha mynta ka sngi da kaba ai da ka jingthoh hapoh katei ka dorbar bah jong ka Ri India, la ong ka khubor jong ka pib.(SP News)
