Shillong, Jymmang 17: Ka nongbishar kaba ha khlieh jong ka Shillong High Court mynta ka sngi ka la ai ia ka rai ba ka CMJ University kam dei ban pynrung ia ki samla pule ha kane ka university katba ym pat lah ban pynbeit ia kane ka kynrum kynram.
Ha kane ka rai kaba la ai mynta ka sngi, la kdew shai ba ka shithi kaba la thoh na ka secretariat jong u Lat ka jylla kam shym don kano kano ka jingbakla ha kaba ka iing bishar kan nym tuklar ia kata.
Ka jingai mukotduma jong ka CMJ Foundation pyrshah ia ka sorkar Meghalaya ka long ban kylli ia ka hukum kaba la thoh da u Principal Secretary jong u Lat ka jylla. Ha kane ka shithi la btah ia ka ia ka katkum ka Kyndon 13(3)(b) jong ka CMJ University Act, 2009.
Ka jingkulmar ka mih na ka daw jong ka jingthung ia u chancellor kane ka University, la ia said ki muktiar na ka bynta ka tei ka foundation.
Naka liang jong u advocate general, Meghalaya u ba ia said na ka bynta ka sorkar u la ong ban a ka liang jong ka secretariat jong u Lat ka jylla kam shym leh bakla ei ei namar ka la but katkum ki kyndon ha kaba phah ia ka shithi ban pan jingpynshai na katei ka university.
Naka liang jong u Advocate General u la ong ba ka jingshisha ka long ba kamshym la don kano kano ka jingai jingbit banthung ia u Chancellor ha kane ka university kumta ka jingleh ka ophis jong u lat ka long kaba dei ban bthah ia ka university ba ka dei ban shim noh biang ia ki degree kiba la dep ai.
Kumba ka paw kane ka University ka la leh katkum ka jingsngewbit ka jong ka khlem da ioh ia ka jingbit ban pynrung ia ki samla pule ha kane ka university kaba sdang ha u snem 2010-11. Ka long kyllum ia baroh ki university ba khlem da don ia u Chancellor yn nym lah ban ai degree ia ki samla pule.(SP News)
