Shillong, Nailur 25: Ka seng Bharatiya Janata Party (BJP) ka la pynpaw ia ka jingsngewkhia kaba jur halor ka jinglong ka shong suk shong sian ha kane ka jylla bad ka long kaei kaei kaba pynkyndit ban iohi ba u myntri rangbah ka jylla u kren kop pynban ha ka jaka ban tem ia ka ding kaba klang.
Ha ka kyrwoh kaba la phah da ka BJP la ong ba saw ngut ki briew kiba luilui ki la duh ei ia la ka jong ka jingim hapoh ka jaka kaba u myntri rangbah bah kajylla u mih khmat ka Ampati. Na ka liang jong ka BJP ka pynrem jur ia katei ka jingpyniap ia ki riew paidbah.
Ka BJP ka iohi ba kane ka jingeh ha kaba ia dei bad ka jingwantuid jong ki briew kiba na bar kan dang iaid bteng namar kane ka seng Congress kaba synshar ha ka jylla kan kwah ban leh ei ei na ka bynta kane ban iai da ia ki briew kiba wan buhai shnong.
Ka BJP ka ong ba ha kane ka jylla Meghalaya ka jingwan jong ki briew kiba na Bangladesh ka jyllei bha, ka jingkhaii tuh ia ki marbam bad ia ki masi hynrei kane ka sorkar ka ialeh ban tap eitmiaw ia kiei kiei kiba jia la ong ka seng BJP.
Na ka liang jong ka BJP ka kam ba ha ka MP election kaban wan ka BJP kan sa ioh ban synshar ia ka sorkar ha Delhi bad ka kam kaba hakhmat eh jong ka BJP ka long ban tehlakam ia kane ka jingwan jong ki briew kiba na bar ym tang ha ka jylla Meghalaya hynrei ha ka Ri India baroh kawei.(SP News)
