Guwahati, Jylliew 16: U myntri rangbah jong ka jylla Assam u Tarun Gogoi haba kren ha ki nongthoh khubor ha Guwahahti u la ong ba ka seng Congress kam tieng ia u Narendra Modi hynrei dei ka seng BJP kaba tieng ia u Modi.
Haba phai pat sha ka jingialeh ban pynkhyllem ia u na ka kam myntri rangbah ka jylla u Gogoi u la ong ba kito kiba kwah ban pynkhyllem ia u ki dei kiba kwah bor bad ka jingleh ka jong ki ka long kaba bakla ba ki kwah ban iohi ba yn hap na jrong.
Dei ha kane ka sien kaba nyngkong da kaba I phumud phuh mad u Gogoi u la jer ia ka kyrteng jong u Himanta Bishwa Sharma, da kaba ong mynshuwa u long u myntri ba u burom, hynrei mynta u dei shuh u myntri ka tand ka koit ka khiah kaba shynshar ha ka dohnud. U Tarun Gogoi u la ong ba wat ha dien kaba election kaban dang wan ruh un dang bat hi kum u myntri rangbah ka jylla.
Na ka liang jong u myntri rangbah ka jylla Assam, wat la u I khia ka jingmud jingpyrkhat hynrei u la ong ba ha u shimet ym don nongshun , u la ong “ Prafulla Kumar Mahanta “ u dei u nongshong jong u hynrei ka ia pher ia ka rukom pyrkhat, haba ia dei bad ka Bijoya Chakrovorty, u Gogi u la ong bay n don ei ei pyrshah iano iano.
Na ka liang jong u myntri rangbah u la kren da ka jingsngew skhem ba ki kam pynroi kiba u la leh na ka bynta ka nongbah Guwahati ki la kren hi da lade bad ai ki briew kin bishar ia ka ki kam kiba u la leh. U ngeit ba ha kane ka election Municipal ki paidbah kin sa jiad ia ka Congress.
Halor ka jingpynmih khubor ha ki television ba kam don ka roi ka par, u Gogoi u la ong ba ai ki mat pynmih hynrei ki paidbah ki kwah ia ka Congress, haba ia dei bad ka jingai snam ia ki ba pang da ka snem kaba don ia ka jingpang HIV u la ong ba la dep ban phah tohkit bad u dang ap ia ka kaiphot.(SP News)
