Shillong, Naiwieng 27: Ka seng CSWO mynta ka sngi ka la pynbna paidbah ba kum ka seng kan nym ia shim bynta ha ka jingiakhih paidbah la ka long ha kano kano ka kam namar ka don ka ain ban the la kam.
Ka daw kaba ka CSWO ka la ong ba ki don katto katne ki briew kiba kiba kwah ban wanrah ia ki jingiaklumar bad ki seng bhalang ki ioh ia ka jingshah kynnoh bad na ka liang jong ka CSWO ka la shim ia ka rai ba kan ia khun mynta da ka ain ban pynkut ia kane ka synshar don bor.
Na ka liang jong ka CSWO ka kyntu ia kiwei ki seng bhalang ruh ba kin shim ia kane ka rai namar ki don ki bor ba kwah ban iuhriot bad ki don ki briew kiba don ha ka bor ban pyndon kam ia ki katto katne ki pulit ban kynnoh ia ki seng bhalang.
Ha ka juh ka por na ka liang jong ka CSWO ka la ong ba ki paidbah ki dei ban long kiba peitngor bad la ong ba ki dei ban shondur ia ki bor sorkar kiba shim pisa.(SP News)
