Shillong, Feb 02: Ka seng CSWO mynta ka sngi ka la pynpaw ia ka jingsngew bitar ka jong ka ha kaba ia dei bad ka jingkam jong ki pulit ba kim shym la ioh ia ka jingbthah na ka iing bishar ban don burom. Ka CSWO ka ong ba ia ka jingujor la ai naduh u snem 2012 ia kaei kaba ki kren ki pulit yn nym lah ban pdiang.
Ka jingujor ha kaba ia dei bad ka jingpyndom sia lieh ia ki mark sheet ki ba ia khun ia ka kam nonghikai na ki jaka ba ialeh ia ki examin kum na ka Mawkyrwat, ka Baghmara , East Khasi Hills, Jowai, Amlarem, bad shibun kiwei ki jaka ka la kren shai bad ia ki Xerox Copy lah ban phah peit bniah ha ka FSL ban pynshisha.
Ka CSWO kan nym shong kli kti ha kaba ia dei bad kane ka kam kan ialeh haduh ba ki paidbah kiba dei hok ban ioh ia ka hok jong kin ioh shisha. Ia kane ka jingpyndam sialieh la leh da ki briew kiba don ha ka bor la kynnoh.
La ong ba ka iing bishar ba don burom ka la kren shai ba ki kot ki sla kiba dei ki don bad ka CBI, kane ka jingpynslem jong ki pulit ka long tang ban pynjlan kai ia ka por, ban ia da ia ka myntri ka tnad pule puthi kaba mynsyhuwa bad ia ki katto katne ngut ki MLA katba ia ki ophisar kiba trei ia ka kam la pynlong blang knia.
Ka CSWO ka ong ba kito kiba don ha ka bor ki ialehkai bad ka jingim bad ka lawei jong ki samla kiba dei hok ban ioh ia ka kam. Ka CSWO ka kyntu ia ki paidbah ban ieng ialeh pyrshah ia kane ka jingleh jong ka sorkar.(SP News)
