Williamnagar,Rymphang 02: Ka District Adminstration jong ka East Garo Hills hapoh ka jingpeit jong ka tand Arts & Culture Department, jong ka sorkar Meghalaya, kin shna ia ka phlim ha kaba ia dei bad ka jingbam jong ki paidbah Garo, kane ka long ka jingpyrshang kaba nyngkong.
Ka bam ka dei ka bynta kaba kongsan ha ka jinglong ka jaidbynriew Garo bad ia ki rukom shet jong ki la tip da ka kyrteng kum ka shet, Kappa, Pura, Nakam, Watepa, Brenga, bad kiwei kiwei de kumba ka long la ioh jingtip ba ka rukom shet jong ki Garo ki don palat ia ka shispah jaid jingshet.
Ia kane ka phlim yn sa ring ha ka 6 bad 7 tarik mynta u bnai ha ka shnong Nengmandalgre ka shong kaba itynnad kaba don sha shiliang jong ka wah Simsang. Ia ki iing la shna kyrpang na ka bynta ban ring ia kane ka phlim.
Nalor kane ka phlim yn shon ruh ia ka kot ka ban pynneh pynsah ia ka rukom shet ha ki pateng ki ban dang wan ha kaba ia dei bad ka rukom shet jong ki jaid bynriew Garo.(SP News)
