Shillong, Lber 12: U myntri rangbah ka jylla u Dr Mukul Sangma ha dien ba la kut ka jingialang jong ka Cabinet kaba nyngkong jong kane ka sorkar kaba thymmai u la ong b aka dorbar mang tyngka kan sdang ha ka 14 tarik mynta u bnai namar ka snem mang pisa jong ka sarkar kan kut ha ka 31 tarik mynta u bnai.
Haba kren ha ki nongthoh khubor mynta ka sngi u la ong ba kane ka sorkar kaba u la ialam mynta ynialeh katba lah ban trei katkum ka jingangnud jong ki paidbah bad ka sorkar ka la kut jingmud ban leh ia kata.
Ha kane ka sngi la jied ruh ia ki nongioh ia ka khusnam na ka bynta ka khusnam U Tirot Sing la jied ia ka kong Dr Streamlet Dkhar, Pa Togan Sangma la jied ia ka kong , Belbora Wankhar bad u Col (Rtd) Tauro Ignatius Donald bad ia ka Kiang Nangbah Award la jied ia u Garry J Lamare,.
Haka juh ka por ka cabinet kaba la long mynta ka sngi ka la pdiang ia ka jingpynkhreh na ka bynta ka jingkren jong u Lat ka jylla ha ka sngi sdang jong ka dorbar mang tyngka.(SP News)
