Shillong, Rymphang 22: Ka jingialang elelction sha ka ki ar tylli ki iing dorbar thawain jong ka Khasi Hills Autonomous District Council (KHADC bad Jaintia Hills Autonomous District Council (JHADC) kala kut mynta ka sngi ha ka por lai baje noh phai sngi bad ki seng sain pyrthei kila pynlong ia ki jingiaid paidbah ban pynpaw ia la ka jong ka jingdon jong ki nongkyrshan ki jong ki.
Ka jingjied ia ki nongmihkhmat sha ki iing dorbar jong kitei ki ar tylli ki District Council kan long ha ka 24 tarik mynta u bnai. Na ka jingjurip jong u SP News Agency la shem ba ha kine ki ar tylli ki District Council kan wan ka Executive Committee khleh khawlang ha kaba kan nym don kano kano ka seng sain pyrthei kaban ioh ia ka jingbun paid 16 ngut.
Ha KHADC ka party kan ban ioh bun eh ki MDC kan dei ka Congress ha kaba kan jop hapdeng phra ngut haduh 10 ngut, ka UDP kan jop hapdeng 7 haduh 9 ngut bad kan but sha ka KHNAM bad ka HSPDP.
Ha JHADC ka Congress jan jop hapdeng 11 haduh 13 ngut ki MDC bad kan ialam ia ka executive committee da kaba ia treilang bad ki Indpendent. Ki paidbah kin sa jied ia ki nongmih khmat sha kitei ki ar tylli ki iing dorbar hapoh ki District Council ha ka 24 tarik mynta u bnai.(SP News)
